سعودی عرب نے بدھ سے پہلی بار اسرائیل جانے کے لئے ہندوستان کی قومی ہوائی کمپنی ایئر انڈیا کو اپنی فضائی حدود سے گذرنے اور استعمال کرنے کی اجازت دے دی ہے جس سے یہ ظاہر ہوتا ہے کہ ریاض اور تل ابیب کے تعلقات روز بروز بڑھتے جا رہے ہیں۔
صیہونی حکومت کے وزیراعظم نتنیاہو کے ایک مہینے قبل انجام پانے والے دورہ ہندوستان میں دونوں حکومتوں کے درمیان حمل و نقل کے شعبے میں معاہدہ ہوا تھا جس کے مطابق ہندوستان اور اسرائیل کے درمیان براہ راست پروازیں انجام پائیں گی۔
اس سے پہلے اسرائیل کی ہوائی کمپنی ایل ایل نے بھی صیہونی حکومت کے وزیراعظم نتیاہو سے کہا تھا کہ ہندوستان تک پہنچنے کے لئے سعودی عرب کی فضائی حدود کا استعمال کرنے کی غرض سے سعودی حکومت سے اجازت لے لے۔
بعض عرب ملکوں منجملہ سعودی عرب نے گذشتہ مہینے کے دوران صیہونی حکومت کے ساتھ اپنے تعلقات کو کھل کر برقرارکرنے کی کوشش کی ہے جبکہ صیہونی حکومت مسلمانوں کی سب سے بڑی دشمن ہے۔
